مريت بحاكورتكم
بنصاص الليالي حرامي
عساني اسرق ورداتك
لقيتك سهرانه عليهم
قلت اسرق صاحبهتن
مديت عالصدر ايدي
لقيته مقفول بدياتك الناعمه
فكيت الزراير زر تحت زر بحلمي
مسكتني ايدك وضمتني بحضن
ولاعبت النواهد غفله بحنيه ورقه
ويا محسن الملمس الناعم لاغصاني
حرير يتهفهف وريش نعام يتطاير
والآه تعذب صوت الغزل عمجوز
والصوت يحدي موالي العاشق
انا حبيب العمر تايه بين ورودك
عشقان وهيمان للضمات عصديرك
قلت ابيت بليلتي لو مره وانام معك
وحلي الحلم عبواب الدار حقيقه حلوه
قلت انام واتهنى بنومتي من الفزع
قطفت ورداتك وحده ورى وحده
كنت مسرور بسعاده ما تنوصف لناس
ولا تنكتب بحروف وكلمات وقصايد
قلت للنوم طول دخيلك علينا ما تصحينا
خلينا برحلة العمر نسافر عالخصر سوى
نركب صهوة الخيل الاصيله ونتسابق
الحروف تنقش النا غزل قصايدها محبه
نغار عسهول حوران الهاديه ونترقص
وتموج حقولها الوسيعه مثل سنابلها
ونحدي عجبال عجلون غنانينا الملاح
ونزف عروسة الوهداني بدر مكمل اله
ونحط عالنجوم اعراسها طوق العرس
وهدانيتي ويا محلاها عروس بلادي الي
كل يوم عروس بزفها عالمسارح بحنيه
حبيبتي وانا حبيبها عريسين بالاوطان
يا ريت نهجع جواة حارتنا ميجينا غريب
بعيد حتى ما يشوفونا حساد يحسدونا
اتاري الحلم صحو غفلة بمنامنا المكسور
كل ما هب النسيم يتلولح عالغصن ميال
انا وحبيبي نتمرجح مثل طلوق النعانع
هبات النسيم تراقصنا بدلال الصغار لحن
انا وياكي عصفورين نمرح بسمانا الحلو
يا ريت يدوم الحلم ما يصحينا من النوم
نسكن العمر احباب ويجمعنا الحب عطول
ونزرع بذارنا بتربتنا المليحه وينبت خير الجنى
ويكون الثمر لذيد ليحلو مع الايام كنوز هديه لاولادنا 

.......................................

الشاعر
عيسى نجيب حداد
رحلة العمر

عيسى نجيب حداد
[email protected]

انا والحلم وديرتي